8 дугаар сургууль

ДАРХАН-УУЛ АЙМГИЙН ОРХОН СУМЫН ЕРӨНХИЙ БОЛОВСРОЛЫН 8 ДУГААР СУРГУУЛИЙН ТАНИЛЦУУЛГА

 

1.ТҮҮХЭН ЗАМНАЛ :

                Тус сургууль нь анх 1971 онд Дархан хотын Орхон хороонд 8 жилийн сургалттай 2 багш, нэг ажилтан, 40 сурагчтайгаар байгуулагдаж байсан. 1971 онд хичээлийн анхны байр 4 байрны орон сууцанд, 1975 онд 150 хүүхдийн хүчин чадалтай хичээлийн байр, 1992 онд 320 хүүхдийн хүчин чадалтай  шинэ хичээлийн байр  ашиглалтад орсон.

 

2. АЛСЫН ХАРАА:

               Олон улсын стандартад нийцсэн аймаг, сум, орон нутгийн хөгжил дэвшлийн тулгуур болсон загвар сургууль болно.

 

3.ЭРХЭМ ЗОРИЛГО:

Багш нарын мэдлэг чадварыг хөгжүүлж өсвөр насны хүүхдийн хөгжлийг цогцоор нь хангах орчинг бүрдүүлж суралцагчийг эрхэмлэн дээдэлсэн, тэдэнд амьдрах арга барил эзэмшүүлж улс орныхоо тогтвортой хөгжлийг  хангахад  өөрийн хувь нэмрээ бодитой оруулахуйц боловсролын үйлчилгээний шилдэг байгууллага болоход оршино.

 

4.СУРГУУЛИЙН УРИА : Чанартай боловсрол - Хөгжлийн ирээдүй

 

 

 

5.2018-2019ОНЫ ХИЧЭЭЛИЙН ЖИЛИЙН ЗОРИЛГО:

Суралцах суурь чадвараа хөгжүүлсэн зөв  харилцаатай эрүүл чийрэг  хүүхэд төлөвшүүлнэ

-Ээлжит хичээлийн бэлтгэлийг чанаржуулах

-сургалтын таатай орчин бүрдүүлэх

- Сурагчид зөв дадал хэвшил олгох

 

6.БҮТЭЦ БҮРЭЛДЭХҮҮН:

2018-2019 оны хичээлийн жилд бага, суурь, бүрэн дунд боловсролыг эзэмшүүлэхээр БСШУСС-ын 2018 оны А/453тоот тушаалын сургалтын төлөвлөгөөний дагуу бага ангийн 9 бүлэг, дунд ахлах ангийн 9 бүлэг нийт 18 бүлэгт бага боловсролын 9 багш, дунд ахлах боловсролын 26 багш 18 ажилтан,18 бүлэгт 392 суралцагчтай /эр 200, эм 192/ сургалт хүмүүжлийн үйл ажиллагаа явуулж байна.

Нийт багш нараас:

  • Боловсролын тэргүүний ажилтан – 5 багш
  • Магистр  - 2 багш
  • Тэргүүлэх зэрэгтэй – 2 багш
  • Заах аргач – 14 багш
  • Ахлах зэрэгтэй - 1 нийгмийн ажилтан
  • Улсын их сургууль төгссөн 17 багш, хувийн их сургууль 8 багш
  • Багшийн хангалтыг 100% шийдвэрлэсэн, багш ажилтны 64% нь мэргэжлийн зэрэгтэй.
  • 2017-2018 онд  12-р ангийг төгссөн 32 сурагчийн 75% нь улсын их дээд сургуульд, 25% нь хувийн их дээд сургуульд элсэж , 2 сурагч 1сурагч Тайваны их сургуульд элссэн.  ЭЕШ-ын дүнгээр  математик 459,7, монгол хэл 500, нийгмийн тухай мэдлэг 464, англи хэл 447,  газар зүй 611, физик 506, биологи 464,6, хими 428,1,  оноотой шалгагдсан. 2019 онд 11-р ангийг 12 сурагч төгсөнө.
  • Гэрчилгээтэй 6 кабинет, 2 лаборатори /мэдээлэл зүй, англи хэл/ хоолны газар, спорт заал, номын сан, дотуур байр, чийрэгжүүлэлтийн танхим, биеийн тамирын талбайтай. Багш хөгжлийн төв болон 2давтлагын өрөөтэй.
  • Сургуулийн дотуур байранд 58 сурагч ,1 багш ,4 ажилтантайгаар сургалт хүмүүжлийн ажлыг зохион байгуулдаг.  цайны газар, хоолны танхим, хүүхэд хөгжлийн төв, 8 тасагтай, дулаан , цэвэр бохир усны нэгдсэн системд холбогдсон.
  • Улирал тутам эцэг эхийн нэгдсэн арга хэмжээ зохион байгуулж сургуулийн үйл ажиллагаа, дугуйлан секцийн тайлан, үзэсгэлэнг гаргаж хэвшсэн.  Энэ өдөр эцэг эхчүүдийг мэргэжлийн бүх багштай уулзуулж хүүхдүүдийнхээ сурлага хүмүүжлийн талаар мэдээлэл солилцох боломжийг олгож багш сурагчид сургуулийн сургалт хүмүүжлийн ажлын талаар эцэг эхийн санал хүсэлтийг сонсож шийдвэрлэх замаар хамтран ажиллаж харилцан тусладаг.

 

7.МАНАЙ БАХАРХАЛ, АМЖИЛТ

  • 2005 он “Хүүхдэд ээлтэй байгууллага”
  • 2010 он “ Төр захиргааны шилдэг байгууллага”

 

  • 2011 он “ Гэмт хэрэг хэв журмын зөрчилгүй хамт олон”
  • Өсвөрийн цагдаа сурагчид Аймгийн марш тактикийн тэмцээн сүүлийн 3 жил тасралтгүй 1, 2-р байр
  • Аймгийн багш нарын олимпиадад Монгол хэлний багш Б.Отгонбаяр “ Мөнгөн медаль 2008 ,2011 , 2013 ,2019 онд  улсын төрөлжсөн олимпиадын 2-ын даваанд 1-р байр,“Багш нарын  ур чадварын уралдаанд 2011 онд бага ангийн багш  Т.Гэрэлчимэг 2-р байр,  2013 онд Технологийн багш Г.Нарангэрэл 1-р байр, Англи хэлний багш С.Нямсүрэн 2-р байр, 2013 оны багш нарын илтгэлийн уралдаанд биеийн тамирын багш Б.Түвшинбаяр 3-р байр,2018 онд орос хэлний багш С.Цогжавхлан 1-р байр
  • МҮОНРТ-ээс зохион байгуулдаг Ээждээ захидал бичээрэй улсын уралдаанд 12-р ангийн сурагч А.Чулуунцэцэг 1-р байр
  • 10 а ангийн сурагч Э.Мөнх-Очир “ Аймгийн бүтээлч сурагч “

 

БАЙРШИЛ:

  • Улаанбаатар хотоос 275 км
  • Аймгийн төвөөс 45 км зайд байрладаг
  • Орхон сумын Баян-Өлзийт багт оршдог.
  • Хаяг: ДУА-ийн Орхон сумын Ерөнхий боловсролын сургууль Баян-Өлзийт багт байрладаг.
  • Утас: 70372608 Захирал 99379704,  ня-бо 9999598530, Сургалтын менежер 99813220
  • Цахим хаяг: Ebs8.darkhan@esrp.edu.mn

Сумын  ЗДТГ,Соёлын төв,Эрүүл мэндийн төв,Цэцэрлэг,Цагдаагийн хэсэгтэй хамтын ажиллагаатай.


Нийтлэгдсэн: 2019-09-12 02:22:33