УИХ-ын гишүүн, ХХААХҮЯ-ны сайд Ч.Улаан, аймгийн Засаг даргын орлогч Т.Ганболд болон холбогдох салбарын удирдлага, мэргэжилтнүүд тус суманд ажиллалаа. Тэрээр сумын газар тариалангийн үйлдвэрлэлтэй танилцаж тариаланч иргэд, ААНБ-д тулгамдаж буй асуудлыг сонслоо. Мөн энэ үеэр Азийн хөгжлийн банкны буцалтгүй тусламжаар хэрэгжиж буй “Хоршоолсон хэлбэрээр ногооны аж ахуй замаар өрхийн амьжиргааг сайжруулах 9192-Мон” төслөөс төсөлд хамрагдаж буй 10 бүлгийн 70 өрхийн дунд 554 морины хүчин чадалтай трактор, хөрс бутлагч, хөрс хагалагч, хүнсний ногооны үрлүүр, төмсний мотоблокыг иж бүрдлийн хамт тус тус хүлээлгэн өглөө.